عدد المساهمات : 587 تاريخ التسجيل : 12/08/2009 العمر : 28 الموقع : www.al7obel7sas.ahlamountada.com
موضوع: رمضان شهر الرحمه و الغفران الجمعة أغسطس 21, 2009 5:42 pm
رمضان شهر الرحمه والغفران
شهر 30 يوم هيخلى ميزان حسناتك يزيد شهر من احلى الشهور فى السنه شهر نزول القران الكريم يقول الله تعالى: (شهر رمضان الذى انزل فيه القران هدى للناس و بيانات من الهدى و الفرقان)
شهر ابواب السما تتفتح فيه للدعاء و الاستغفار شهر بدون شياطين
شهر الصيام مش بس الصيام عن الاكل و الشرب لا بس الصيام عن كل شىء يغضب ربنا من اول ما بتصحى من نومك لحد ما تنام تانى بليل
من اول ما تروح شغلك وانت اخد عهد على نفسك ان مهما حصل مش هسيىء لزميلى مهما اتعصبت ههدى نفسى مهما حصل مش هخرج لفظ خطا من فمى مهما حصل مش هقصر فى عملى هشتغل مش عشان انا صايم و تعبان و الجو حر يبقى مشتغلش بالعكس دا كل ما تشتغل بضمير اكتر كل ما تزيد حسناتك و مش اى حسنه دا حسنه فى شهر رمضان
و انتى كمان اخدا عهد على نفسك انك هتنزلى و مش هتلفتى نظر حد ليكى مش هحمل نفسى و غيرى ذنب مهما حصل مش قبل ما انزل اقف ادام المرايا ساعه و الميك اب
و اقول اصلوا خفيف ماهو خفيف بس الناس شيفاه وممكن حد يعجبوا فبيبصلك فيبقى اخدتى ذنبوا وذنبك طب ليه هلبس الحجاب فى رمضان يا سلااااام بس مجيش بعد رمضان اقلعوا لو هنوى ان بعد رمضان اقلعوا يبقى بلاش
همشى فى الشارع هغض بصرى هقعد مع صحباتى مش هتلكم على حد هقعد اول ما ارجع من شغلى هقرأ قران اصل انا عاوزه اختموا مره واتنين وتلاته وعشره فى رمضان
بجد يا جماعه رمضان شهر لازم نغتنموا رمضان شهر مينفعش يعدى ادامنا و مش نغتنموا دا شهر اوكازيون الحسنات
تفتكرى لو محل مشهور نزل اوكازيون روووعه هتسيبيه يعدى من تحت ايدك ما بالك باوكازيون الحسنات يا سلااام
احلى اوكازيون يارب يتقبل منى ومنكم هذا الشهر انا عارفه انى طولت عليكم بس هو شهر يحتاج سنين و سنين عشان نتكلم عنه اللهم ما بلغنا رمضان خير البلاغ يارب دا يمكن اول موضوع ليا فى المنتدى اتمنى ان هو يعجبكم و السلام عليكم ورحمة الله
الجمعة أغسطس 21, 2009 5:42 pm