خانتني مع صديقي

السلام عليكم ورحمة الله وبركاته

احد الاخوه بعث بهذه الرسالة


__________________________________________________ ___

يااخي محتار وش اسوي والله الدنيا من جد ضايقه فيني كرهت الدنيا والناس كلهم كرهت شئ اسمه بنت سالفتي يوم من الايام شفت فتاة في مكان عام وتجرات وعطيتها رقمي والله مالي في هالسوالف ولاني راعيها لكن البنت عجبتني شفت لبسها محتشم واهلها محتشمين وشكلهم محترمين طبعا ماخذت الرقم الا بعد ماتعبت كلمتها كانت بداية السالفه سوالف عادية جلست فتره افكر مره اقول خلاص يابووو انسى الموضوع وانت ماترضى على اهلك ومن هالكلام مع مرور الوقت تعلقت في البنت وهي على حسب مااشوف تحبني ومتعلقه فيني بعد مااصريت عليها طلعت معاي وتقابلنا في مكان عام وجلسنا وكانت تقول مستحيل اركب معك في السياره لازم نجلس في مكان عام

وتعلقت اكثر واكثر بالبنت وجاء يوم فكرت وقررت انه بدل هالعلاقه الغبية ليش مانتزوج والبنت محترمه واهلها محترمين وحتى البنت تستحي كثير ولاصار بيننا شئ والبنت انا شايفها محافظه على نفسها وغير كذا حلوه ودلوعه يعني مواصفاتها قمه

فاتحت البنت في مكالمة الليل بالموضوع فرحت وماكانت مصدقه وقضينا الليل احلم انا لها باليوم اللي نجتمع فيه اليوم الثاني من الصبح كلمت ابوي وامي واقتنعوا بالموضوع وسالوني من وين تعرف البنت ولفقت لهم سالفه اقتنعوا وانتهى الموضوع كلمتها وبشرتها وقلت ان شاء الله في اقرب فرصه بس يسافر ابوي ويرجع نجيكم وكانت اوضاعي اوكيه يعني جاهز ووظيفتي كويسه سافر ابوي وانا جالس على جمر اموت فيها وانتظر اليوم اللي نجتمع فيه بعد ثلاثه ايام كلمني واحد من الشباب يقول تكفى ابي مكان اطلع فيه خويتي قلت وش قالوا لك وش شايفني طبعا قال تكفى ساعدني فرصة وهذه البنت من زمان وانا استناها بس ماظبطت ظروفها من قبل واليوم تسنعت الامور ومع اصراره قلت ابشر وفزعت للرجال بشقه وبعدها بدقايق دقيت على جوال حبيبتي عطتني مشغول اول مره من عرفتها تعطيني مشغول دقيت ثلاث اربع مرات وبرضه تعطيني مشغول وفي الاخير صرت ادق ماترد علي قلقت انشغل بالي لبست ونزلت ومريت من المكان اللي خويي هذا فيه كانت عماره ملك لابوي وسوس لي الشيطان ونزلت وطلعت معاي مفتاح للشقه وصلت وعلى روس اصابعي وصلت الشقه ودخلت ماحد حس فيني وطبيت عليهم والصدمه وربي كانت اليمه صديقي اللي انا عطيته شقه والبنت اللي معه حبيبتي دارت فيني الدنيا ونزلت جزمتي وطحت فيهم زي المجنون ضرب وبعدها ماادري ويش صار الا وانا في مكان بعيد ابكي

للموضوع هذا الحين مده ماني قادر انسى اللي صار ولاني قادر انسى حبها وفي نفس الوقت حاقد عليها وعلى الوسخ اللي معاها وناوي انتقم من جد

اقولكم سالفتي ابي اسمع ارائكم وعشان اني محتاج احكي السالفه ابي ارتاح شوي
واسف على طريقة الرساله وارسلت اكثر من مره وماشفت الموضوع

____________________________________________

مستشاركـ :


نعتذر من الاخ وفقه الله لما يحبه ويرضاه عن التاخير الخارج عن ارادتنا ونسال الله له الصلاح والتوفيق